На 21 октомври 2026 година, Американската стопанска комора во Северна Македонија ќе организира тркалезна маса со наслов „Зајакнување на институционалната координација за заштита на интелектуалната сопственост преку Националното координативно тело за права од интелектуална сопственост“. ..”
АМЧАМ ја смета ефективната заштита на интелектуалната сопственост за клучна за поттикнување на иновациите и за создавање предвидливи и еднакви услови за деловно работење. Националното координативно тело за интелектуална сопственост во минатото одигра клучна улога во овој поглед, преку координирање на работата на различните институции надлежни за оваа област. На тркалезната маса ќе се разгледаат начини за повторно активирање на ова Тело, како и за обезбедување на условите неопходни за негово континуирано и ефективно функционирање.
Учесниците ќе разгледаат што досега постигнало Телото како механизам за координација, како и кои се денешните недостатоци во координацијата. Исто така, ќе дискутираат за тоа што би значело во пракса повторното активирање на Телото – вклучително и како тоа би требало да биде структурирано, колкава институционална посветеност бара и што би овозможило негово долгорочно функционирање. Централен дел од дискусијата ќе бидат практичните искуства на деловните субјекти кои секојдневно се занимаваат со заштита на интелектуалната сопственост, како и нивните конкретни предлози за тоа како спроведувањето на прописите да стане поконзистентно и поефективно.
На тркалезната маса ќе се соберат претставници на деловната заедница, релевантните државни институции и стручните здруженија. Овој спој на различни гледишта треба да помогне дијалогот да се преточи во заеднички препораки.
Оваа активност се спроведува во рамките на проектот „Зајакнување на капацитетите за застапување за ефективно вклучување во креирањето политики“ , поддржан од Центарот за меѓународно приватно претприемништво (CIPE) од Вашингтон, а спроведуван од Американската стопанска комора во Северна Македонија