АМЧАМ Северна Македонија учествуваше на дводневен состанок на американските стопански комори од Западен Балкан, одржан во Сараево. На настанот се приклучија претставници од AmCham Босна и Херцеговина, Србија, Црна Гора, Албанија и Косово, а беше одржана и заедничка сесија во Амбасадата на САД, посветена на клучните регионални проекти и активности, како и на важноста на партнерството помеѓу канцелариите на AmCham и американските амбасади низ регионот. Дискусиите се фокусираа на заедничките предизвици, размената на искуства и, пред сè, на идните чекори: заеднички регионални проекти, зајакнување на деловните врски меѓу членките, како и иницијативи што отвораат нови можности за трговија, инвестиции и економско партнерство во Југоисточна Европа. Американските стопански комори ја потврдија својата посветеност кон претворање на овој регионален пристап во трајна рамка за соработка, водени од заедничкото уверување дека предвидлив, транспарентен и поврзан регионален пазар претставува најсилниот аргумент што регионот може да им го понуди на домашните и меѓународните инвеститори.
