25–26 јуни 2026 г., Софија, Бугарија
AmCham Северна Македонија со задоволство ги поканува своите членки да се приклучат кон официјалната деловна делегација за 3-тиот Регионален економски самит на AmCham организациите, кој ќе се одржи на 25–26 јуни 2026 година во Софија, Бугарија. Оваа значајна регионална иницијатива е коорганизирана од страна на американските стопански комори во Грција, Бугарија, Турција и Северна Македонија, надоврзувајќи се на успехот на самитите во Истанбул и Атина, кои собраа над 400 учесници од 15 земји и овозможија реализација на повеќе од 200 насочени B2B средби во текот на изминатите 2 години.
Овогодинешниот самит повторно ќе послужи како моќна платформа за унапредување на економската соработка, регионалните инвестиции и деловните партнерства. Тој ќе собере високи владини претставници, деловни лидери и чинители од индустријата за да ги разгледаат стратешките можности низ Евроазија и регионот МЕНА. Преку панел-дискусии на високо ниво, интерактивни работилници и структурирани сесии за поврзување, учесниците ќе имаат можност директно да стапат во контакт со потенцијални партнери и да истражат конкретни начини за соработка и деловен развој.
Особено ги охрабруваме да учествуваат претставници од компании кои работат во клучните сектори на Самитот: енергетика, угостителство и недвижности, градежништво и инфраструктура, финансии и инвестиции, технологија и дигитална трансформација, производство и индустриски развој, како и синџири на снабдување и логистика. Овие индустрии ќе бидат во фокусот на агендата на Самитот, обезбедувајќи исклучително релевантна платформа за суштински дијалог и насочено вмрежување.
За повеќе информации или за да истражите можности за спонзорство, ве молиме контактирајте не на info@amcham.mk info@amcham.mk