AmCham покани претставници од Министерството за дигитална трансформација и компании-членки на практична дискусија за подзаконските акти кои произлегуваат од Законот за безбедност на мрежите и информациските системи. Претставниците на Министерството ги презентираа новите барања, а компаниите ја искористија средбата за да проверат како тие се применуваат во секојдневното работење и да постават прашања специфични за нивните деловни активности. Во област како што е сајбер-безбедноста, јасните насоки и директниот дијалог помеѓу институциите и приватниот сектор им помагаат на компаниите да ги разберат своите одговорности и да ги подготват своите тимови и системи за спроведување на прописите. Соработката со Министерството за дигитална трансформација ќе продолжи, со цел да се поддржи ефективната имплементација и да се зајакне сајбер-безбедноста во рамките на деловната заедница.
